Euskalaridoko ordezkariek Valentziako Erkidegoko Agregakinen Enpresen Elkartearen (ARIVAL) 51. batzar orokorrean egon ziren, urriaren 16an. Bertan, administrazioei dei egin zitzaien administrazioko izapideak arintzeko eta, horrela, sektorearen etorkizuna bermatzeko. Gainera, topaketan azpimarratu egin zen belaunaldien arteko erreleboak ekarriko dituen erronkak, bereziki talentua erakarri beharko delako; izan ere, horrek enplegu-eskari handian izango duen eragina aipatu egin zen.
Hori guztia, kontuan izanda, Alfredo Marmaneu ARIVALeko presidenteak zehaztu zuenez, sektoreak 730 langile dituela Valentziako Erkidegoan, eta 123 milioi euroko negozio-bolumena izan zuela 2025ean; hain zuzen ere, agregakinen kontsumoa %13,7 hasi zen iaz, eta 17 milioi tonara iritsi zen.
Morellan egin zen ekitaldia, eta han egon ziren Agregakinen Federazioko (FdA) elkarteetako presidenteak, zuzendariak eta gerenteak; ANEFAk, ARIGALek, ARIVALek, EUSKALARIDOk eta GREMI D’ÀRIDSek osatzen dute federazioa.
Hala, 100 lagun egon ziren topaketan, administrazioetako, enpresa-erakundeetako, erakunde seltorialektako, elkargo profesionaletako eta ikastetxeetako ordezkariak bildu zituena. Besteak beste, han egon ziren Energia eta Meategien zuzendari nagusia, Antonio Miranda; Morellako alkatea, Bernabe Zangoza, eta Valentzian Txileko ohorezko kontsula den Leopoldo Lopez, gainera Valentziako kontsuletxeko dekanoa dena.
Bileran zehar, enpresa-batasunari dei egin zitzaion, erronkei aurre egiteko. Gainera, agregakinek duten garrantzi estrategikoa nabarmendu zen, azpiegituren garapenerako eta ongiza-estatua mantentzeko, eta baita deskarbonizazio-prozesurako “meatze-jarduerak egiten duen ekarpena” ere azpimarratu zen.
Jorratu ziren gai ugarien artean, belaunaldien arteko erreleboak leku nabarmena hartu zuen. Batzarrean, hain zuzen, bigarren mailako ikasleek (Valentziako probintziakoak) eta Indusketa eta Zundaketetako Teknikari Erdi Mailako prestakuntza ematen duten zentroetako irakasleek parte hartu zuten. Prestakuntza dual intentsibo hori inspirazio-iturri da Euskalaridok antzeko ezaugarriak dituzten erdi-mailako prestakuntza espezifikoak Euskadin ezartzea sustatzeko egiten duen lanerako.
Eraldaketa digitala, laneko segurtasuna eta osasuna, baliabide naturaletarako sarbidea eta industria gero eta jasangarriago eta zirkularrago baterantz aurrerapausoak ematea izan ziren jardunaldian jorratutako beste gai batzuk. Ingurumen-arloan, gainera, ekonomia zirkularrean aurrera egiteko erronka adierazi zen, eraikuntzako eta eraispeneko hondakinak (EEH) birziklatuz eta balorizatuz; aldi berean, aipatu zen nola ustiategiek klima-aldaketa arintzeko eta horretara egokitzeko neurriak hartzen jarraitzen dute, bai eta beren jarduera deskarbonizatzekoak ere.
Euskalarido