Agregakinak
Agregakinak gai estrategikoak dira gure eguneroko bizitzarako
Agregakinen sektorea da azpiegiturak eraikitzeko, eraikuntzarako, industriarako eta ingurumena babesteko lehengaien hornitzaile nagusia.
Erauzketa-enpresek gizartearen agregakin-eskaria betetzen dute. Euskadin, agregakinen kontsumoa, pertsona eta urte bakoitzeko, bederatzi tonatik gorakoa izatera iritsi da.
Gizartearen ekonomia zirkularrarekiko eta baliabideen kudeaketa jasangarriarekiko gero eta sentsibilizazio handiagoak eraikuntza eta eraispeneko hondakinak eta altzairugintzako zepak hobeto kudeatzea dakar.
Horrela, ekonomia zirkularreko prozesuen ondoriozko agregakin birziklatuak eta agregakin artifizialak hainbat aplikaziotan erabiltzen dira.
Agregakin Naturalak
Agregakin granularrak
Depositu granularrak ustiatzen dituzten aztarnategietatik lortzen dira. Garbiketa eta sailkapena behar izaten dute; forma biribildua dute.
Agregakin birrinduak
Harria birrintzearen eta ondoren sailkatzearen ondorioz sortutakoak. Aurpegiak eta ertzak dira nagusi; silizeoak, kareharriak eta abar izan daitezke.
Agregakin artifizialak
Aldaketa termiko baten edo bestelakoen ondoren sortutako prozesu industrialen azpiproduktuak edo hondakinak (zepa siderurgikoak, errautsak, fillerra, etab.).
Agregakin birziklatuak
Eraikuntzan aldez aurretik erabili den material ez-organikoaren tratamendu batetik eratortzen dira; adibidez, eraikinak eraistetik, bide-zoruen egituretatik eta abarretatik eratorritakoak dira.
Agregakinen erabilera eta garrantzia
Zer dira agregakinak?
Agregakinak harri zatiz edo hareaz osatutako material granular geldoak dira.
Eraikuntzan, industrian eta eguneroko bizitzako aplikazio askotan erabiltzen dira.
MARKINA MARMOL BELTZA izenez ezagutzen den kareharri apaingarria kolore beltz bizia duelako nabarmentzen da, eta, bere beta zuri bereizgarriarekin batera, apaingarrien sektoreko kareharri ospetsuenetakoa da, bai nazio barruko, bai nazioarteko merkatuan.
- Eraikuntza-elementuen fabrikazioa, hala nola apaingarriak, adreiluak, blokeak, habeak, zintarriak, espaloiak eta hodiak…
- Hormigoiaren elaborazioa etxebizitza eta eraikinetarako, errepide eta autobideetarako, zubi, tunel eta presetarako, aireportuetarako, trenbideetarako, portuetarako...
- Eraikuntza-elementuen fabrikazioa, hala nola adreiluak, blokeak, habeak, zintarriak, espaloiak eta hodiak…
- Asfaltozko aglomeratuen fabrikazioa errepide, autobia, kale, aparkaleku, pista eta abarretarako.
- Erabilera zuzena oinarriak, azpi-oinarriak, harri-lubeta eta abar ezartzeko.
- Zementu, kare, mortero eta entokaduren fabrikazioa.
- Zeramikaren eta beiraren industria.
- Osagai elektronikoen fabrikazioa.
- Industria siderurgikoa: altzairuaren eta galdaketa-moldeen fabrikazioa.
- Plastikoaren industria.
- Industria kimikoa eta farmazeutikoa.
- Elikagaien industria.
- Nekazaritza eta abeltzaintzako industria.
- Energiaren industria.
- Pinturaren eta detergenteen industria.
- Familia bakarreko etxebizitza batek 100-300 tona agregakin behar ditu.
- Autobide kilometro baterako 30.000 tona agregakin behar dira.
- Hortzetako pastan.
- Betaurrekoen kristalean.
- 100 kilo azukre fabrikatzeko 20 kilo kareharri behar dira.
- Ogia, ardoa, garagardoa eta abar egiteko prozesuetan erabiltzen da.
- Giza kontsumorako uren iragaztea, hondakin-uren araztea eta ur azidoen neutralizazioa.
- Gure etxeetara iristen den energia elektrikoak agregakin ugari behar izan ditu ekoizteko.
- Egunero erabiltzen dugun paperean. Paper tona batek 300 kilo inguruko karga minerala du.
- Nekazaritzako erabilerak (lurzoruen zuzenketa, ongarriak) eta pentsuetarako gehigarriak
Euskalarido